ʼn 9-jarige seun van Jeffreysbaai is Dinsdagoggend voor sy klasmaats dood nadat hy glo ʼn hartaanval gehad het.
Die Times berig die seun, wat tussen 105 en 125kg geweeg het, het omstreeks 9:35 Dinsdagoggend by die Pellsrus Primêre Skool inmekaargesak en gesterf. Volgens ʼn polisiewoordvoerder, ao. Petra Els, sê die seun, wat volgende maande sy tiende verjaarsdag sou vier, het ʼn geskiedenis van hartprobleme. Die seun se ma het glo inmekaargesak toe sy die nuus van haar seun se dood ontvang het en is in ʼn plaaslike hospitaal opgeneem.
