ʼn 14-jarige seun is Maandagaand tydens ʼn Guy Fawkes-vuurwerkvertoning op Bloubergstrand in die Wes-Kaap beseer.
Volgens Vanessa Jackson, ʼn woordvoerder van ER24, het die seun ʼn vuurwerk hanteer, toe dit in sy hande ontplof het. “Die seun het wonde aan sy gesig en arms opgedoen en sy hande is ernstig beseer. Hy het geweldige pyn gehad en moes pynmedikasie op die toneel ontvang. Hy is op die toneel gestabiliseer en na die Milnerton Mediclinic geneem vir verdere behandeling.
Jackson sê honderde mense was by die vertoning, en dat hierdie die enigste ongeluk is wat aangemeld is.