ʼn 11-jarige seun het Dinsdagmiddag by Muizenbergstrand in Kaapstad verdrink.
Volgens Craig Lambinon, ʼn woordvoerder van die Nasionale Seereddingsinstituut (NSRI), was die seun saam met vriende by die strand en hulle het saam gaan swem.
“Die kind het in die moeilikheid beland en onder die water verdwyn. Sy maats het hulp ontbied. Daar word vermoed dat die seun vir 45 minute onder die water was voor hy gevind is,” het Lambinon gesê.
Die seun is na die strand geneem waar paramedici tevergeefs probeer het om hom by te bring. Hy is op die toneel dood verklaar.
Die polisie doen ʼn geregtelike doodsondersoek.
Waarom het die kinders alleen gaan swem? Waar was die volwasse toesig gewees?