ʼn Man is Maandag in hegtenis geneem nadat hy glo sy pa tydens ʼn familiebyeenkoms vermoor het.
Konst. Moses Molepo, woordvoerder van die polisie, sê ʼn rusie het glo tussen die pa en seun ontstaan waarna die seun sy pa glo verskeie kere met ʼn mes gesteek het. Die pa is op die toneel oorlede. Molepo sê die voorval het Sondagaand in Solomondale in Limpopo plaasgevind. Die 30-jarige seun is Maandag in hegtenis geneem en hy sal na verwagting Dinsdag in die Mankweng-landdroshof verskyn.