Eskom het die publiek gevra om elektrisiteit spaarsamig te gebruik nadat een van sy reaktors by die Koeberg-kernkragstasie afgeskakel het.
“Die kragtoevoer is baie onder druk op die oomblik, veral gedurende spitstyd in die aand tussen 18:00-21:00,” sê die kragvoorsiener.
Dit is onduidelik wat veroorsaak het dat die reaktor afgeskakel het. ʼn Beampte het aan die Cape Times gesê die fout word ondersoek.
Koeberg voorsien 6% van die land se elektrisiteit en is reeds in werking sedert 1984, met ‘n kapasiteit van 1800MW.
Sapa
