‘n Menslike kopbeen is Vrydag naby ‘n inisiasieskool in Butterworth in die Oos-Kaap gevind.
Volgens kaptein Jackson Manatha, ʼn polisiewoordvoerder, vermoed die polisie dat die skedel al meer as ʼn jaar lank daar lê.
“Daar was geen ander beendere nie. ʼn Skoen en ʼn T-hemp is naby die skedel opgespoor,” het hy gesê.
‘n Geregtelike doodsondersoek sal uitgevoer word.
Maroela Media het Dinsdag berig dat vier seuns by ʼn ongeregistreerde inisiasieskool op Botshabelo, oos van Bloemfontein, gesterf het. Klik hier om die storie te lees.
