‘n Menslike skelet is deur ‘n visserman in ‘n bos naby Klippan-dam naby Welkom in die Vrystaat opgespoor.
Sersant Puleng Motsoeneng het gesê die man het op die beendere afgekom toe hy Donderdagmiddag by die dam vis gevang het. Sy sê die skelet blyk glo dié van ‘n middeljarige man te wees. Die polisie vermoed die man was ‘n onwettige myner. Klere, waterstewels en ‘n sak is naby die oorskot aangetref.
Daar was niks om die man mee uit te ken nie.
Motsoeneng het ‘n beroep op die gemeenskap gedoen om met die polisie in verbinding te tree indien hulle oor enige inligting beskik wat die polisie kan help om die man se familie op te spoor.
