ʼn Vrystaatse polisiebeampte is met R10 000 of ses maande tronkstraf beboet nadat hy op kringtelevisie vasgelê is terwyl hy ʼn vrou slaan en skop.
Moses Dlamini, woordvoerder van die onafhanklike polisie-ondersoekdirektoraat (Opod), sê ao. Ernest Maratshane het skuldig gepleit op twee aanklagte van aanranding met die doel om ernstig te beseer. Hy is in die Smithfield-landdroshof gevonnis. Die ses maande tronkstraf is vir vyf jaar opgeskort. Maratshane is aangekla nadat kringtelevisiebeeldmateriaal, wat deur die eNCA-televisiekanaal uitgesaai is, wys hoe hy ‘n vrou só hard by ‘n vulstasie slaan dat sy op die vloer val. Die aanranding van die vrou is op 5 April net ná 21:00 verfilm by ʼn vulstasie in Smithfield. Twee beamptes in uniform is ook op die toneel, en hulle wend ‘n flou poging aan om hul kollega te keer, en wend geen poging aan om die vrou in enige stadium te help nie. Maratshane slaan die vrou weer, jaag haar en skop haar. Terwyl die vrou op die grond lê, trap Maratshane op haar kop. Die twee beamptes in uniform laat die man toe om die toneel te verlaat sonder om hom in hegtenis te neem. Dlamini sê Maratshane is intussen ook uit die polisie geskors.
Waarskuwing: Die beeldmateriaal kan sensitiewe kykers ontstel.
“To protect and serve”? Korrup tot op die been…
Skokkend om te dink dat SA se Polisie wat na almal se veiligheid moet omsien,n vrou so kan aanrand, waarom kon die ander 2 polisiemanne hom nie boei nie.Hulle moet ook hulle werk verloor gee dit vir iemand wat die publiek kan beskerm.
Skokkend verby!!Betaal die ander twee ook af