Skooldogters glo tydens dwelmondersoek betas

Argieffoto

Argieffoto

‘n Leerling aan Hoërskool Boksburg se ouer eis antwoorde van die skoolbeheerliggaam en die polisie ná vermeende onvanpaste liggaamsondersoeke glo plaasgevind het, berig EWN.

Beamptes van die Suid-Afrikaanse Polisiediens en die Ekurhuleni-metropolisie het dié skool aan die Oos-Rand glo Dinsdagoggend besoek. Die ouer het aan EWN gesê onvanpaste metodes is gebruik om dosyne skooldogters voor onderwysers en skoolseuns te deursoek.

Een dogter het glo ‘n boodskap aan haar ma gestuur dat sy ‘n ongemaklike ervaring by die skool gehad het en die ma het verder ondersoek ingestel, berig EWN. “Sy het gesê haar borste en boude is gegryp en sy is deursoek,” het die ouer gesê. Die polisie het glo nie die leerlinge in kennis gestel wat tydens die soektog gaan gebeur nie.

“Die meisies het aan een kant van die klaskamer gestaan en alles het voor seuns plaasgevind. Wanneer ‘n dogter deursoek is, is sy uit die klaskamer gestuur,” het die ouer aan EWN verduidelik.

Lungelo Dlamini, woordvoerder van die polisie, trek die bewering in twyfel en sê dat die skooldogters afsonderlik van die seuns deursoek is. Hy doen ‘n beroep op die ma om die saak by die stasiebevelvoerder in Boksburg of skoolhoof aan te meld vir verdere ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Trippie

So dankbaar hierdie dinge het nie in my tyd plaasgevind nie. Sigarette, drank, dwelmmiddels was nooit ‘n probleem nie. Moet ook byvoeg, ek was in ‘n Meisies-koshuis.

leana

Sit die goed op blou vitrioel. Dalk help dit vir die origheid!

Boere-meisie ♡

Orige goed …. voel voel en berei heeldag mentally voor … tot die kind hiuis toe loop, dan word sy verkrag ! As hulle drugs soek kan hulle mos honde gebruik !!!!

Justi

Die arrogante varke! Dis mos vernerderend vir die meisies en kom neer op onsedelike betasting! Mog dai mense wat so vulger optree se hande afvrot!

Ronell Muller Boshoff

Dis pateties verby man. N dame moet gefisunteur word deur n vroue polisiebeampte apart van mans of seuns. Hulle het hierdie een gedop. Die ouers moet hul vasvat.