Lyall Beadon, die 29-jarige seun van ʼn skoolhoof van Port Elizabeth, is Dinsdag dood nadat hy op Nuwejaarsdag in ʼn fratsongeluk betrokke was.
Beadon is in die Aurora-hospitaal in Port Elizabeth dood weens ʼn hartstilstand, berig die Herald Online. Hy het op Nuwejaarsdag in die see gaan swem en sy nek beseer nadat hy in ʼn golf ingeduik en ʼn sandbank getref het. Beadon was na die ongeluk van sy bors af verlam. Hy is sedert die ongeluk by die Life Beacon Bay-hospitaal in Oos-Londen behandel voordat hy verlede Donderdag na die Aurora-hospitaal oorgeplaas is.
Sy pa, Laurie van Laerskool Dominic’s Priory, het gesê die gesin is platgeslaan deur sy dood.
– Sapa