Skoolmeisies glo tydens sataniese ritueel vermoor

Een van die skoolmeisies se liggame word verwyder. Foto: Masego Rahlaga / EWN

Een van die skoolmeisies se liggame word verwyder. Foto: Masego Rahlaga / EWN

Die twee skoolmeisies van Johannesburg wat Woensdagoggend dood aangetref is, is glo tydens ʼn sataniese ritueel vermoor, het EWN Donderdag berig.

Maroela Media het Woensdag berig die meisies, onderskeidelik 15 en 16 jaar oud, se liggame is in ʼn veld in Dobsonville in Soweto aangetref. Die leerlinge van die George Khosa Sekondêre Skool het nog hul skoolklere aangehad. Hulle het snywonde aan hul hande en nekke gehad en daar was skeermeslemmetjies en swart gebrande kerse langs hul liggame.

Die polisie het aan EWN gesê hulle ondersoek die moontlikheid dat die meisies tydens ʼn sataniese ritueel vermoor is en die polisie se okkulte-eenheid is betrokke by die ondersoek.

Een van die meisies het na bewering aan haar vriende gesê sy sal in ʼn sataniese groep toegelaat word as sy iemand naby aan haar offer. Leerlinge by die skool het gesê hulle het Dinsdag die meisies saam met twee seuns die skool sien verlaat. Hulle beweer die seuns is deel van die sataniese groep.

Die polisie vermoed die aanval was deel van ʼn ritueel om “siele te verkoop”.

Niemand is nog in verband met die voorval in hegtenis geneem nie.

Klik hier om nog foto’s van EWN te sien.

Lees die opvolgberig hier.

Lees ook:
Twee skoolmeisies dood gevind

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.