ʼn Werknemer by ʼn skool in KwaZulu-Natal is eers vyf jaar nadat hy daaraan skuldig bevind is dat hy ʼn leerling by die skool seksueel aangerand het afgedank.
Mongameli Gcwabaza is in 2008 van dié oortreding aangekla en het in 2010 ʼn opgeskorte vonnis van vyf jaar ontvang. Gcwabaza se afdanking kom nadat die openbare beskermer Thuli Madonsela ingegryp het. Gcwabaza is in 2008 oorgeplaas nadat die aanklagte teen hom aanhangig gemaak is maar is na sy vonnisoplegging weer teruggestuur na die skool. ʼn Ouer van die skool het ʼn klag by die openbare beskermer ingedien. Kgalalelo Masibi, Madonsela se woordvoerder, sê daar is verlede maand dissiplinêre stappe teen Gcwabaza geneemdeur die provinsiale departement van onderwys waarna hy afgedank is. Die departement was nie onmiddellik vir kommentaar beskikbaar nie.
dieselfde het by ‘n skool in bronkies gebeur… die man hou nou skool op ‘n ander plek… siek