‘n Man van Gauteng is Donderdagmiddag tydens ’n duikekspedisie naby Umkomaas aan die KwaZulu-Natalse suidkus dood.
Chris Botha, woordvoerder van Netcare911, sê paramedici het die duikers se boot op die strand ingewag. “Die ander duikers het mond-tot-mond-asemhaling op die man, in sy 20’s, toegepas terwyl die boot op pad was na die strand.” Botha sê paramedici het dadelik oorgeneem en vir sowat 40 minute mond-tot-mond-asemhaling op die man toegepas voor hy op die toneel dood verklaar is. Botha sê dit is nog nie duidelik wat onder die water verkeerd geloop het nie. Die saak word ondersoek.
Niemand sal ooit kan weet hoe stukkend sy ma is nie. Hy was ‘n wonderlike mens. Die wereld is armer sonder hom.