Slang pik man in Benoni

Die man vermoed hy is deur 'n rinkhals gepik

ʼn 28-jarige man is Saterdagaand op ʼn kleinhoewe in Benoni deur ʼn slang gepik.

Volgens Vanessa Jackson, woordvoerder van ER24, het die man moontlik op die slang getrap. Die slang was glo redelik stadig, moontlik weens die koue weer die afgelope ruk in die gebied. Die man vermoed dit was ʼn rinkhals. Paramedici is na die toneel ontbied en hulle het sy bene ondersoek. Die erns en diepte van die bytmerk kon egter nie bepaal word nie. Hulle het die man volgens sy simptome behandel en monitor hom tans om enige verdere simptome te behandel indien die gifstof deur sy bloedstroom opgeneem is. Die man is na die verre Oos-Rand-hospitaal geneem en is in ʼn stabiele toestand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae