ʼn Man is Dinsdag in die vroeë oggendure by ʼn inisiasieskool in die Oos-Kaap doodgeskiet.
Lt.kol. Mzukisi Fatyela, ʼn polisiewoordvoerder, sê die voorval het naby Bityi plaasgevind. “ʼn Onbekende man het die skool betree terwyl dit nog donker was en ʼn 22-jarige tradisionele snydokter doodgeskiet,” het Fatyela gesê. “ʼn 21-jarige leier is ook geskiet en gewond. Die motief vir die aanval is nog nie bekend nie en niemand is nog in hegtenis geneem nie.”
Die polisie ondersoek ʼn saak van moord en poging tot moord.