‘n Soldaat is Sondag gedurende ‘n operasie in die Krugerwildtuin dood.
Brig.genl. Xolani Mabanga, woordvoerder van die weermag, sê sktr. Thabiso Zulu van Regiment Oos-Rand was saam met 2 SA Infanteriebataljon in die wildtuin ontplooi. “Hy was glo betrokke in ‘n skietvoorval terwyl hy aan diens was gedurende Operasie Corona in die Krugerwildtuin.” Mabanga sê’n raad van ondersoek is op die been gebring om die skietvoorval te ondersoek. Mabanga wou nie kommentaar lewer rakende die omstandighede rondom Zulu se dood nie en sê verdere inligting sal bekend gemaak word sodra die ondersoek afgehandel is. Nosiviwe Mapisa-Nqakula, minister van verdediging, het haar medelye met die soldaat se naasbestaandes betuig. Volgens mediaberigte het Zulu vermoedelik selfmoord gepleeg.
Raad van ondersoek op die been gebring om die voorval te ondersoek? My liewe hel … vir selfmoord? Xolani Mabanga terwyl die raak ondersoek instel, word die renosters gestroop! WTF!!