Soldaat sterf tydens millitêre oefening in Bfn

ʼn Valskermsoldaat het Dinsdagmiddag tydens ʼn millitêre oefening by die Tempe-lughawe buite Bloemfontein na sy dood geval.

ʼn Polisiewoordvoerder, kapt. Chaka Marope, sê die soldaat het teen ʼn ander soldaat gebots nadat hy sy valskerm oopgemaak het. Hy het glo sy bewussyn verloor. “Hy het in die Groenvlei-hoewes geval. Die nadoodse ondersoek sal bepaal of hy sy nek gebreek het tydens die botsing met die ander soldaat of toe hy die grond getref het.” Marope sê die ander soldaat kon daarin slaag om sy valskerm te beheer maar het sy been gebreek tydens die landing. Die oorledene is intussen geïdentifiseer as korporaal MJ Mookie. Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.