Soveel renosters reeds vanjaar gestroop

Die departement van omgewingsake het ʼn beroep gedoen op bewaringsorganisasies om die departement by te staan in die stryd teen renosterstropery nadat dié groepe geëis het dat die minister bedank.

Omgewingsgroepe het verlede week gevra dat minister Edna Molewa bedank “in die lig van die voortslepende renosterstropery”. Albi Modise, ʼn woordvoerder van die departement, het die groepe gekritiseer en gesê hulle moet eerder probeer deel wees van die oplossing. Minstens 262 renosters is reeds vanjaar vir hul horings gestroop met 155 hiervan in die Krugerwildtuin. Modise sê 173 mense is reeds vanjaar vir renosterstropery in hegtenis geneem.