Met nog net drie dae se Paralimpiese Spele-opwinding oor, kan mens nie bekostig om ʼn oomblik daarvan te mis nie.
Suid-Afrika neem vandag aan 14 items, waaronder ses finale, deel. Die swemmers Emily Gray en Natalie du Toit neem onderskeidelik 10:40 en 10:43 aan die 100m-vryslag S9-uitdunne deel en gaan poog om hul plekke in die finaal los te swem. Om die dag se aksie af te sluit, is Oscar Pistorius om 22:52 weer op die atletiekbaan vir die 400m T44-uitdunne.
Klik hier vir ʼn volledige rooster van die atlete wat vandag deelneem. Neem kennis dat die tyd wat daar weergegee word, die Greenwich-tyd is. Tel dus een uur by om te bepaal hoe laat die item in Suid-Afrika uitgesaai gaan word.