Durban gaan binnekort met ‘n splinternuwe biblioteek van R497 miljoen kan spog.
Thabo Mofokeng, woordvoerder van die eThekwini-munisipaliteit, het gesê die biblioteek in Durban se middestad, langs die Workshop-winkelsentrum, is Donderdag deur die raad goedgekeur. Tex Collins, leier van die Demokratiese Alliansie (DA) in die provinsie, sê sy party het dié voorstel ondersteun. Volgens Collins sal die Carnegie-stigting die projek finansier. Die provinsiale regering sal moontlik ook ‘n finansiële bydrae lewer. “Ons doel is om seker te maak dat, indien die begroting dit toelaat, elke wyk in die munisipaliteit ‘n biblioteek sal hê.
