Argieffoto.
Die bestuurder van ʼn wit Volkswagen Golf GTI is Dinsdag in hegtenis geneem nadat hy 225km/h in ʼn 120km/h-sone op die N1-deurpad naby Midrand in Gauteng gejaag het.
Hoofsupt. Wayne Minnaar, die woordvoerder van die Johannesburgse metropolisie, het Woensdag gesê die man gaan binnekort in die Randburgse landdroshof verskyn saam met sewe ander mense wat in dieselfde gebied vir spoed in hegtenis geneem is.
In ʼn afsonderlike voorval is die bestuurder van ʼn swart BMW-motorfiets ook Dinsdag in hegtenis geneem nadat hy 172km/h op die N1-suid naby die 14de Laan-afrit in Roodepoort, Gauteng, gejaag het. Hy het ook nie ʼn nommerplaat op sy motorfiets gehad nie. Die man moet binnekort in die Roodepoort-landdroshof verskyn saam met nege ander wat Dinsdag ook in die gebied gejaag het.
My Mercedes is veiliger op 240km/h as n taxi op 100km/h
Pieter jou Mercedes mag dalk wees, maar jou vermoë sal ek bevraagteken!!
Ek sou se veiliger as ‘n taxi teen 20km/uur, maar nie veiliger as ‘n taxi in die SAPS impound nie. Hehehehe…
Sluit toe en gooi die sleutel weg. Hulle is moordenaars met daai spoed.