Die Springbokke het in sy eerste Wêreldbekerwedstryd ʼn naelbyt-oorwinning behaal oor Wallis.
Suid-Afrika het vroeg in die wedstryd die voortou geneem met ʼn drie deur Francois Steyn. Morné Steyn het met ʼn suksesvolle doelskop en ʼn strafdoel kort hierna verseker dat die Springbokke met 10-6 voorgeloop het teen rustyd. Wallis het egter kort na rustyd teruggekap met ʼn drie van Toby Faletau. ʼn Suksesvolle doelskop en ʼn strafdoel het Wallis die voortou laat neem met 16-10. ʼn Skitterdrie deur Francois Hougaard en ʼn doelskop deur Morné Steyn het Suid-Afrika se oorwinning verseker. Die Springbokke kom op 17 September teen Fidji te staan.
