Die Pretoriase hooggeregshof het bevind dat die staat R2,8 miljoen skadevergoeding moet uitbetaal nadat ʼn kind se bene geamputeer is omdat sy swak mediese behandeling by ʼn staatshospitaal ontvang het.
Tebisa Kometsi (6) se bene is op 9 Oktober 2009 in die Charlotte Maxeke Akademiese Hospitaal in Johannesburg geamputeer, het Beeld Woensdag berig.
Sy is ʼn maand voor die amputasie in die hospitaal opgeneem nadat sy met kookwater gebrand het wat erge beserings aan haar arms en bene veroorsaak het.
Die hof het bevind dat die hospitaalpersoneel nalatig was met Kometsi se behandeling en monitering. Kometsi het ontwater wat die sirkulasie van bloedtoever na haar bene beïnvloed het. Sy het gevolglik gangreen gekry waarna haar bene gedeeltelik geamputeer moes word.
Beeld berig die Gautengse LUR vir gesondheid, onder wie se beheer dié staatshospitaal val, is aanspreeklik verklaar vir die skadevergoeding wat uit die amputasie spruit.
– Sapa
personeel mut opdok ander gaan hulle net aan om goor werk te lewer want ons taxgeld betaal om hulle foute reg te mk.