ʼn Staatsamptenaar van Spanje het Vrydag bedank toe ʼn twiet en persverklaring uitgestuur is wat ʼn reeks sensitiewe inhegtenisnemings aankondig nog voordat die klopjagte uitgevoer is.
Alberto Gimeno het as die hoof van kommunikasie uit die ministerie van binnelandse sake bedank weens die “fout in sy departement” oor die inhegtenisneming van verskeie ETA (Basque Homeland and Freedom)-lede voordat die anti-terroristeveldtog nog begin het.
“Minister Jose Fernandez Diaz het Gimeno se bedanking aanvaar,” lui ʼn verklaring wat deur die regering uitgereik is.
Die aankondiging is Woensdag op die ministerie se Twitter-rekening gemaak en vervat in ʼn persverklaring wat aan joernaliste uitgestuur is. Minute ná die aanvanklike aankondiging uitgestuur is, het die ministerie ʼn dringende boodskap uitgestuur om die verklaring te kanselleer.
Die polisie het kort daarna wel agt lede van ʼn groep, wat gevangenes van die gewapende Basque-separatiste ondersteun, in hegtenis geneem.
Die veelvoudige klopjagte in die noorde van Spanje is die jongste in ʼn veldtog teen die ETA. Die groep word blameer vir die afsterwe van 829 mense in ʼn vier dekade lange veldtog van skietvoorvalle en bomme vir ʼn onafhanklike Basque-staat in die noorde van Spanje en suidweste van Frankryk.
Die minister in die verklaring Gimeno geprys vir sy “professionalisme, lojaliteit en pligsbesef”.