Stadion in Vrystaat dalk herdoop

Seisa Ramabodu-stadion in Bloemfontein, Vrystaat

Seisa Ramabodu-stadion in Bloemfontein, Vrystaat

Die provinsiale regering in die Vrystaat gaan besluit of hy die Seisa Ramabodu-stadion gaan herdoop na die Nelson Mandela-stadion.

Tate Makgoe, LUR vir onderwys, het by die gedenkdiens vir Mandela by die Christian Revival Church in Bloemfontein gesê die stadion in Rocklands, Bloemfontein, kan dalk herdoop word.

Ace Magashule, premier van die Vrystaat, het gesê inwoners van die Vrystaat sal dié besluit moontlik verwelkom. “Ons moet egter navorsing doen oor die geskiedenis van die stadion en terugvoer van die inwoners kry voor die besluit geneem kan word.”

Die stadion word tans teen R200 miljoen opgeknap.

Gwede Mantashe, sekretaris-generaal van die ANC, was die hoofspreker by die ses uur lange gedenkdiens. Mantashe het die jeug herinner dat hul familie eerste moet kom. “Indien jy die nalatenskap van Nelson Mandela gestand wil doen, moet jy die waarde van familie waardeer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Sarie van Niekerks ·

Ja nee kyk, alles wat tot dusver nog nie die naam Nelson Mandela gedra het nie, gaan dit in die toekoms dra Een van die dae verander hulle die land se naam van Suid-Afrika na Nelson Mandela.

Jasper ·

En liewe Julius gaan weer alles verander sodra hy aan bewind kom.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.