“Stem of die Boere gaan weer oorneem” – Ramaphosa

Cyril Ramaphosa

Cyril Ramaphosa

Cyril Ramaphosa, adjunk president van die ANC, het inwoners van Limpopo oor die naweek aangemoedig om te stem “anders gaan die Boere weer aan bewind kom”, het The Star Maandag berig.

Hy het glo dié uitlating gemaak toe hy met ʼn ontevrede inwoner van Seshego gepraat het. Die inwoner, Johanna Phala (49), het glo geweier om in volgende jaar se verkiesing te stem omdat die ANC haar teleurgestel het.

Phala is ʼn werklose enkelouer van drie kinders en blameer die hoë werkloosheidsyfer op die ANC en sê sy het haar hoop in die party verloor. Ramaphosa het haar gevra om haar misnoeë teenoor die ANC-regering te heroorweeg.

Hy was in Seshego om ondersteuners vir die ANC te werf. Seshego is die tuisdorp van Julius Malema, die leier van die Economic Freedom Fighters (EFF).

“As al die Suid-Afrikaners nie stem nie, sal ons agteruit gaan. Die Boere sal terugkom om ons te beheer,” het hy glo gesê.

Ramaphosa se kommentaar eggo ʼn studie wat in April deur die verbruiksinsigtemaatskappy Pondering Panda vrygestel is, wat aandui dat 46% van die jeug oor alle rasse glo dat die DA apartheid sal terugbring as hulle volgende jaar se verkiesing wen.

SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Trippie

WoW – ek haal my hoed af vir die Phala-vrou. Die ANC het al hul armoedige navolgers in die steek gelaat, veral met die belofte van behuising, munisipale geriewe, ens. Maar kom die verkiesing, gaan hulle weer die kruisie trek by die ANC !

Daan

As die boere weer aan bewind kan kom sal dit weer baie beter in hierdie land gaan.

Trippie

Amy, ek het gister lekker gelag – ek lees vanaf ‘n FB vriend, hy sê die DA stuur daagliks sms’e om ter herinner om te registreer, die EFF stuur weer “please call” me !

Jy is in die kol – ons blankes kan maar net nie saamstaan nie (terloops, ek wil al ligweg iets oorkom as ek “saamstaan” lees, en hier moet ek dit maar weer gebruik.

Pieter Potgieter

Dis reg Ramaphosa laat jou broek bewe want die God van die boere is in beheer en wag op boere om Hom met hul hele hart te dien. Die minderheid in my volk kan die land terug vat met die engele rondom ons. Boere bekeer julle en wag en kyk die skare van engele dit sal wees soos bloed rivier met engele wat uit die rook met die swaart sal verslaan. Die koning van die land is teen God se wil met sonde teen God besig.

AmY

Hehe Trippie. Goeie een daai!!!