Steve weier om vir e-tol te betaal; Cosatu bal ook vuis

Steve Hofmeyr. Foto: Facebook

Steve Hofmeyr. Foto: Facebook

Steve Hofmeyr het Dinsdag aangekondig dat hy nie vir e-tol gaan betaal nie en dat tollenaars hom “naar maak”.

Die Suid-Afrikaanse Nasionale Padagentskap (Sanral) het die e-tolstelsel Dinsdag amptelik op Gautengse hoofweë in werking gestel. Alhoewel daar steeds konstante verkeersvloei op die provinsie se tolpaaie is, word alternatiewe roetes egter meer deur motoriste gebruik. Lees meer hier.

Hofmeyr het Dinsdag op Facebook gesê: “E-tol. Ek betaal nie. Die tollenaars maak my naar. Dis nie net Sanral se skuld nie. Ek vertrou NIKS waaroor die ANC opgewonde is nie. Ek ken my alternatiewe roetes, maar die sisteem kan slegs op sy knieë gebring word deur te volhard op die tolpaaie.” [sic]

Intussen het die vakverbond Cosatu Dinsdag aangekondig hulle gaan aanhou stry teen die omstrede e-tolstelsel totdat die regering na sy mense luister. “3 Desember verteenwoordig ʼn dag wat ons regering geweier het om na die standpunte van sy mense en die armes te luister,” het Dumisani Dakile, Gautengse sekretaris van Cosatu, aan verslaggewers in Johannesburg gesê.

Hy het gesê die regering het sy eiesinnigheid en onwilligheid bewys om saam met die land se werkers te werk. Hy het gesê lede van Cosatu sal aanhou met optogte en selfs op eetstakings gaan in protes teen die stelsel. “Dit verteenwoordig ‘n duidelike demonstrasie van kaders wat reeds magsdronk is en glo dat hulle kan doen wat hulle wil.”

Die DA het ook Dinsdag hul protes oor die e-tolstel uitgespreek deur ‘n boodskap die lug in te stuur. Lees meer hier. 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
piet smith

So 20 jaar terug het al mal oor die krag gese hulle sal nie betaal nie toe hulle krag begin afsit was ek alleen wat nie betaal het nie.Nou glo ek niemand meer nie

Steve Hofmeyr

Lees gerus hierdie. Ek weet nie of dit ‘n alias is nie, maar die meriete van die brief staan sterk: Hi everyone, I have had some interesting discussions with people who know a lot about these things and the following is relevant. Tshwane Metro and Joburg Metro are AARTO areas. Traffic offences MUST be treated as AARTO infringements. So, there are some important things you need to know: 1. You CANNOT be arrested for an outstanding fine issued as an AARTO infringement. 2. AARTO contains a charge code (3820) for non-payment of toll. This means that non-payment of toll CANNOT… Lees meer »

Danie

Ek sal NIE n e-tol skyfie koop nie en ek sal nogsteeds die snelweg gebruik ek betaal tax en ek betaal tax op brandstof ook! SANRAL bring it on!!!

Frik Lotz

E-tol is n euwel wat nooit moes gebeur het nie. Mense betaal genoeg belasting en goed soos e-tol is onnodig en dien geen doel nie,behalwe om mense uit te buit. Dankie vir die VF Plus dat hul die ding probeer stop het.Dit wys hul gee om vir mense en hul regte. Die stryd gaan voort!

Wessel

Ek het vandag op die tolpad gery en dit baie lekker gevind. Daar was geen swaar verkeer of verkeers opeenhopings nie. Alles het lekker gevloei. Jammer vir die ouens wat van alternatiewe roetes gebruik maak. Suffer in silence. (Ek het nie ‘n skyfie nie en gaan nie een koop nie en gaan aanhou om die “tolpaaie” te gebruik.)