‘Stropers’ in wildtuin doodgeskiet

Drie vermeende stropers is die naweek in die Krugerwildtuin doodgeskiet.

Reynold Thakhuli, woordvoerder van die wildtuin, sê ʼn vierde vermeende stroper is ernstig gewond gedurende die skietgeveg wat Saterdagaand uitgebreek het. Thakhuli sê ʼn vyfde verdagte het ontsnap. “Twee bewaarders het gepatrolleer toe hulle deur die groep vermeende stropers gekonfronteer is. ʼn Skietgeveg het uitgebreek en drie gewapende mans is doodgeskiet.” Thakhuli sê die bewaarders het op twee jaggewere, ʼn AK47, ʼn pistool en ammunisie beslag gelê. In ʼn ander voorval is vier vermeende stropers Saterdag in hegtenis geneem in die wildtuin nadat daar ʼn jaggeweer, ammunisie en toerusting vir stropery in hulle besit gevind is.