ʼn Student is in hegtenis geneem nadat hy teen 200km/h in ʼn 120km-sone vasgetrek is op die N4 buite Brits in Noordwes.
ʼn Woordvoerder van die provinsiale verkeersdepartement, Lesiba Moses Kgwele, sê die 22-jarige man het ʼn BMW 330i gery met Gauteng-nommerplate. “Die man is glo ʼn student en het van Sun City na Laudium gery saam met sy vriendin en nog ʼn paartjie.” Kgwele sê die man is by die Brits-polisiestasie in aanhouding en sal na verwagting Dinsdag in die Brits landdroshof verskyn.
