Suid- en Noord-Koreaanse families herenig – vir ‘n rukkie

Opgewonde Suid-Koreane vertrek per bus na Noord-Korea om familie te besoek. Foto: Epa

Opgewonde Suid-Koreane vertrek per bus na Noord-Korea om familie te besoek. Foto: Epa

‘n 90-jarige Suid-Koreaan wat sy totsienswuiwende dogtertjie laas gesien het toe sy net twee jaar oud was, tel onder die 82 ouer, en 58 jong Suid-Koreane wat gekies is om hul Noord-Koreaanse familielede vir die eerste keer sedert 1953 vlugtig te mag sien.

Die gelukkige Suid-Koreane is Donderdag per bus na ‘n vakansiedorp in Noord-Korea geneem waar hulle tot Sondag saam met 180 Noord-Koreaanse familielede te kuier.

Dan kom nog ‘n groep aan die beurt wat tot Dinsdag duur.

Dit is die eerste keer sedert 2010 dat Noord-Korea een van hierdie seldsame kuiergeleenthede toegelaat het. Die geleentheid was egter ook byna van die baan weens Noord-Korea se beswaar teen die komende gesamentlike Amerikaans-Suid-Koreaanse militêre oefeninge. Daar was ook kommer dat Noord-Korea die vergunning kon terugtrek weens ontevredenheid met ‘n VN-verslag wat ernstige aanklagte van menseregteskendings in Noord-Korea aan die kaak gestel het.

Noord-Korea en Suid-Korea is tegnies nog in ‘n staat van oorlog nadat slegs ‘n skietstilstand in 1953 gesluit is.

Bron: AP

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae