Die Nasionale Instituut vir Oordraagbare Siektes (NIOS) het bykomende infeksiebeheermaatreëls in plek gesit by die Life Glynnwood-hospitaal in Benoni nadat ʼn derde persoon dood is aan ʼn uiters weerstandige bakterie.
Dit kom nadat minstens 10 mense die afgelope paar weke met die NDM-1-bakterie, of Nieu Delhi metallo-7-lactamase 1, besmet is. Twee mense wat ook met die bakterie besmet is, is vroeër die maand in die hospitaal dood. Die NDM-1-bakterie is volgens berigte vir die keer in 2009 in Nieu-Delhi in Indië geïsoleer. Dit is vermoedelik deur iemand na Suid-Afrika gedra. Die NIOS sê dit is meestal pasiënte wat lank in die hospitaal was wat besmet is. Die drie oorledenes het glo ook ernstige onderliggende siektes gehad. Die NDM-1-kiem kan tussen verskillende bakterieë uitgeruil word en genetika verander om dit weerstandig te maak teen Antibiotika.