ʼn Brand in ʼn gebou in Breestraat, Kaapstad is onder beheer gebring.
Die Ibuyambo-kultuursentrum het Saterdagmiddag ʼn hele paar uur lank gebrand. Die reuk van suur en ʼn dik rookkombers het oor Kaapstad se middestad gehang, het EWN berig. Dosyne mense het glo toegekyk hoe brandbestryders poog om die brand onder beheer te bring. Die oorsaak van die brand is nog nie bekend nie.