Swanger vrou op voetpaadjie aangeval in Nieu-Seeland

Voetpaadjie naby Waitakere-valle

Voetpaadjie naby Waitakere-valle

ʼn Swanger vrou is in Auckland, Nieu-Seeland, op ʼn voetpaadjie deur twee gewapende mans beroof, berig TVNZ.

Die slagoffer, in haar 30s, het Dinsdagoggend omstreeks 10:45 na die Upper Nihotupo-reservoir in Waitakere-valle gestap toe twee mans haar oorval en met ʼn mes gedreig het. Sy was ongeveer vyf minute weg van die parkeergebied in Pihaweg.

TVNZ berig die man met die mes het geld geëis, maar die vrou, wat vyf maande swanger is, het geen kontant by haar gehad nie en die twee verdagtes is daar weg met ʼn halssnoer, ringe, armband en ʼn horlosie.

Die slagoffer het na die parkeergebied gehardloop en kon hulp ontbied.

Die polisiehelikopter, honde-eenheid en grondpatrollie kon nie die mans opspoor nie.

Die vrou of baba is nie beseer in die voorval nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Lanie ·

Polisiehelikopter, honde eenheid en grondpatrollie ! WOW ! In SA moet jy bly wees as ‘n polisieman bereid is om jou verklaring af te neem – wat nog verder ondersoek instel. Wys net hoe min “crime” is in NZ dat so geval wereldsnuus is

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.