Taxibestuurder vas vir 182km/h

Argieffoto

ʼn Taxibestuurder is Saterdag in Pretoria in hegtenis geneem nadat hy 182km per uur in ʼn 120km-sone gejaag het.

Busaphi Nxumalo, ʼn woordvoerder van die Gautengse verkeerpolisie, het gesê die bestuurder is op die N4-snelweg naby Mamelodi aangekeer.

“Die man het gesê hy was onderweg na ʼn vriend in sy private voertuig, ʼn VW Golf, toe hy deur verkeersbeamptes van die pad af getrek is,” het Nxumalo gesê.

Die man is na die Akasia-polisiestasie geneem en is aangekla vir roekelose en nalatige bestuur, asook ʼn spoedoortreding. Hy is later op borgtog vrygelaat en moet Maandag in die landdroshof in Pretoria-Noord verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.