Regter Robert Henney het ook Jacob Humphreys (56) se bestuurslisensie met onmiddellike effek gekanselleer. Humphreys is tot 12 jaar tronkstraf gevonnis op elk van die 10 aanklagte van moord. Die vonnisse sal gelyktydig uitgedien word. Hy is ook tot ʼn bykomende ses jaar tronkstraf gevonnis op elk van die vier aanklagte van poging tot moord. Van die vonnisse sal ook gelyktydig uitgedien word en Humphreys sal effektief 20 jaar tronkstraf uitdien. Die vonnis het vriende en familie van Humphreys na hulle asem laat snak in die galery terwyl sommige in trane uitgebars het. Humphreys het ‘n ernstige uitdrukking op sy gesig gehad, gedurig gefrons en sy lippe saamgepers gedurende die vonnisoplegging
Humphreys is in Desember op tien aanklagte van moord en vier van poging tot moord skuldig bevind nadat hy op 25 Augustus 2010 oor ’n spooroorgang in Buttskopstraat, Blackheath, gery het. Sy taxi het voor ’n aankomende trein beland en tien kinders is dood. Vier ander kinders is ernstig beseer. Humphreys het tydens sy verhoor beweer hy kan niks van die ongeluk onthou nie.