ʼn Man is dood en ʼn ander kritiek beseer nadat hulle Dinsdag deur teer wat aan die brand geslaan het, verbrand is.
Jeffrey Wicks, ʼn woordvoerder van Netcare911, sê die voorval het in Meyerton gebeur.“Na wat verneem word, was die mans besig om ʼn houer met kokende teer te hanteer.Die teer het by ʼn uitlaatklep aan die brand geslaan en vinnig versprei,” het Wicks gesê.
Een man het kritieke brandwonde opgedoen en is op die toneel dood verklaar.Die ander man was ook in ʼn kritieke toestand met ernstige brandwonde aan sy onderlyf.Hy is op die toneel behandel en met ʼn ambulans na ʼn nabygeleë hospitaal geneem.
Die departement van arbeid ondersoek die voorval.
