Telkom gaan die boete van R449 miljoen betaal wat die Mededingingstribunaal verlede jaar aan hom opgelê het nadat die twee partye ʼn skikkingsooreenkoms bereik het.
Telkom is in Augustus verlede jaar die reuse boete opgelê nadat die tribunaal bevind het dat die telekommunikasiereus sy oorheersing in die telekommunikasiebedryf tussen 1999 en 2004 misbruik het en hom dus aan monopolistiese gedrag skuldig gemaak het. Telkom het appèl aangeteken teen die boete terwyl die tribunaal teen-appèl aangeteken het. Die tribunaal het intussen in ʼn verklaring bekend gemaak dat die skikkingsooreenkoms behels dat albei partye hulle appèlaansoeke terugtrek. Telkom moet volgens berigte die helfte van die boete binne ses maande betaal waarna die res glo binne 18 maande betaal moet word.
Telkom is reeds bankrot, hoe gaan hulle dit betaal? Met ons belasting geld? Wie is die begunstigdes van die boetes? Ons publiek, MTN, Vodacom of Cell ? Nee. Anc “connectes” dikkouse? Ja!