Ten volle ontwikkelde fetus in mangat gevind

Argieffoto

ʼn Ten volle ontwikkelde fetus is Vrydagoggend omstreeks 06:30 in Noordwes in ʼn mangat, wat na ʼn rioolpyp lei, gevind.

Lt.kol. Lesego Metsi het gesê die fetus is manlik en is in Rankelenyane gevind. Die fetus is sowat ses maande oud, en is deur ʼn voetganger raakgesien. Die voetganger het die polisie ontbied.

“Die Marika-polisie versoek die gemeenskappe van Bethani, Mabitle, Tlape en Rankelenyane om hulle by te staan met die ondersoek,” het Metsi gesê.

Die polisie ondersoek ʼn saak van verberging van geboorte.

Enigiemand met meer inligting oor wie die ma mag wees, word versoek om met die speurder, lt. Mokae, by 082 416 2265 of 014 572 3100 in verbinding te tree.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.