Tien kinders tussen die ouderdom van drie en vyf jaar oud is Maandagmiddag ernstig beseer nadat die skoolbussie waarin hul vervoer is teen ʼn muur gebots het.
“Die bestuurder het glo beheer oor die bussie verloor terwyl hy in Poplarstraat in Midrand, gery het,” sê Chris Botha, ʼn woordvoerder van Netcare911. Tien van die twaalf kinders wat in die bussie was, het ernstige beserings opgedoen en was erg getraumatiseerd. Paramedici het die kinders gestabiliseer en na verskeie nabygeleë hospitale geneem vir verdere behandeling.
Die oorsaak van die ongeluk word ondersoek.
Ek hoop die kleuterskool onderwyseres wat ‘n klomp kleuters in haar motor Spur toe geneem het lees hierdie berig. Sterkte aan al die ouers en kinders wat deur die ongeluk geraak is.