Tien sterf in botsing in Limpopo

Tien mense is dood en talle beseer na ʼn botsing Dinsdagoggend tussen ʼn vragmotor en ʼn taxi naby Makhado in Limpopo.

ʼn Polisiewoordvoerder, kapt. Maano Sadike, sê minstens vyftien mense is beseer. “Die tien mense is op die toneel dood verklaar – agt mans, een vrou en ʼn klein seuntjie. Hulle ouderdomme is onbekend in die stadium.” Die beseerdes is na die Louis Trichard en Elin hospitale geneem vir verdere behandeling. Die polisie ondersoek ʼn saak van strafbare manslag. Die bestuurder van die vragmotor het glo aan die slaap geraak. Die taxi het na Zimbabwe gereis terwyl die vragmotor na Johannesburg gereis het.