Tien vas na man se dood

Tien mense is in hegtenis geneem nadat ʼn man dood gevind is buite ʼn kroeg in Olievenhoutbosch, Gauteng.

Lt. Kol. Katlego Mogale, woordvoerder van die polisie, sê die man het na bewering in ʼn geveg betrokke geraak met mense in die kroeg. Die geveg het glo buite voortgegaan en die man het ernstige beserings opgedoen en is op die toneel dood verklaar. Mogale sê die man is ook met gebreekte bierbottels gesteek. Die tien verdagtes sal binnekort in die Pretoria-landdroshof verskyn op aanklag van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae