ʼn Tienerseun het vermoedelik verdrink nadat hy Woensdag by Silwerstroomstrand naby Atlantis verdwyn het, het die Wes-Kaapse nooddienste gesê.
Keri Davids, woordvoerder, het gesê ʼn helikopter en reddingspan is reeds sedert 13:00 op soek na die 18-jarige seun. “Die saak word nou aan die Suid-Afrikaanse Polisiediens en hul duikspan oorhandig,” het sy gesê. Volgens luit.kol. André Traut is dit nie duidelik wat met die seun gebeur het nie. “Ons sal die saak eers begin ondersoek sodra sy liggaam opgespoor is.”
