Tifoon eis lewens in Japan

Foto: AFP

Foto: AFP

Minstens 14 mense is dood en 37 word vermis nadat die tifoon Wipha Japan getref, en die hoofstad Tokio ook erg deurgeloop het.

Die storm sal na verwagting vandag verswak en as tropiese storm voortwoed. Veral die eiland Izu Oshima, sowat 120km van Tokio af, het erg deurgeloop: riviere is oorstroom en baie huise is verwoes. Windsnelhede van tot 180km/h is gemeet, en 20 000 mense moes na veiligheid gebring word. Sowat 400 vlugte van Tokio af is gekanselleer.

Volgens die Japannese regering kom storms van hierdie aard gemiddeld een keer elke tien jaar voor.

Bronne: ANP en AFP

 

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae