Toeris beland in water nadat Facebook haar aandag aftrek

Argieffoto

Argieffoto

ʼn Reddingspan is ontbied nadat ʼn toeris in Australië van ʼn kaai afgeval het omdat Facebook op haar selfoon haar aandag afgetrek het, het owerhede Woensdag gesê.

Die vrou het Maandagaand langs ʼn baai in Melbourne geloop toe Facebook haar aandag afgetrek het en sy van die kaai af in die ysige water beland het, het die Victoria-polisie gesê.

ʼn Ooggetuie het hulp ontbied en die polisie het hulle na die vrou gehaas. Sy het sowat 20 meter van die kaai af in die water gespartel. “Sy was steeds op haar rug en het gedryf, aangesien sy later vir ons gesê het sy kan nie swem nie,” het senior konstabel Dean Kelly van die waterpolisie, aan die Australian Broadcasting Corporation gesê. “Sy het nog steeds haar selfoon in haar hand gehad en sy het om verskoning gevra.”

Die vrou is na ʼn hospitaal geneem vir behandeling. Die polisie sê sy is ʼn uitlander, maar wou nie haar land van herkoms bekend maak nie. “As jy enigsins naby water is, moet jou aandag nie afgetrek word nie, veral as jy nie kan swem nie.”
-SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Jasper ·

Ek wens dit wil meer selfoonverslaafdes oorkom wat geen respek toon vir ander mense om hulle nie , In geselskap, Kerkdienste, Skoolsale, in die verkeer en by die toonbank.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.