Toeris vas vir “klipsmokkel”

Argieffoto

Peter Knops van Nederland is in Turkye aangekeer nadat hy glo ‘n klip op die strand opgetel het wat hy wou saamneem huis toe.

Knops, wat met vakansie in Turkye was, is vir ‘n paar uur lank in ‘n sel aangehou maar is eers ‘n maand later toegelaat om die land te verlaat, berig De Standaard.

Die Turkse owerhede het gemeen dat die klip dalk van argeologiese waarde kan wees, wat dit toe ook inderdaad was. Knops is een jaar gevangenisstraf, wat voorwaardelik opgeskort is, en ‘n boete van ongeveer R5 000 opgelê.

Jason Dement van Mississippi in Amerika is in April vanjaar ook vlugtig in Turkye aangehou nadat hy klippe op die strand opgetel het. Twee van die klippe in sy sak was glo ook van argeologiese waarde.

Turkye is besonder ryk aan argeologiese skatte, en daar word soms spottend gesê dat as ‘n mens ‘n klip sien, dit waarskynlik van argeologiese waarde kan wees.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Melissa ·

Ag asseblief tog! Sal verseker nie ooit na Turkye toe gaan nie. Sommer simpel en belaglik!

annalie Muller ·

Reken as daar ‘n bordjie met waarskuwing op was,in ‘n taal wat universeel verstaan word,dat geen klip verwyder mag word nie,en dit is geignoreer,dan het hy gekry waarna hy gesoek het. Moeilikheid.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.