Vier toeriste is in Noordwes beroof deur ʼn man wat homself as ʼn polisieman voorgedoen het.
Kapt. Pelonomi Makau, ʼn polisiewoordvoerder, sê vier toeriste van onderskeidelik Duitsland, Dubai, Finland en Portugal het Vrydagoggend in ʼn gehuurde bussie op die N4 gery. Makau sê die bussie is tussen Sun City en Tsetsing afgetrek terwyl hulle onderweg was na die Pilanesberg-natuurreservaat. Hy sê die bussie is deur ʼn man in ʼn silwer Mercedes Benz afgetrek waarna hy die bestuurder van die bussie vir sy bestuurslisensie en permit gevra het. Makau sê nog ʼn man het uit die Mercedes geklim waarna die twee mans die passasiers met ʼn vuurwapen aangehou het en van hul besittings beroof het. Die rowers het gevlug en is steeds soek. Niemand is beseer nie.
Wat ek nie kan verstaan nie, is waar kry hierdie boewe die univorms? Dit wys jou net hoe die polisie hulle univorms laat rond le