Argieffoto van die Intercontinental-hotel in Hurghada. Dit is nog nie bekend gemaak waar die paartjie vermoor is nie.
Twee toeriste van Switserland is in Hurghada, ʼn Rooisee-oord in Egipte, vermoor, het Switserland se ATS-nuusagentskap Vrydag berig.
Geen verdere besonderhede is tans beskikbaar nie.
Volgens media in Egipte is die paartjie van Switserland ʼn week gelede as vermis aangemeld en hulle is dood aangetref in ʼn villa. Die gebou se sekuriteitswag is glo die hoofverdagte in die saak.
