ʼn Man is Maandagoggend in Irene, Pretoria, doodgeslaan omdat hy vermoedelik nie ʼn toilet gespoel het ná hy dit gebruik het nie.
Die voorval het in Jan Smutslaan plaasgevind, berig LookLocal Centurion. Na wat verneem word, het ʼn rusie tussen twee Brinant Security-werknemers by die maatskappyhuis waar hulle tuisgaan, uitgebreek. ʼn 43-jarige man het die 55-jarige slagoffer glo herhaaldelik met ʼn baksteen geslaan. Dit wil ook voorkom of die man tydens die voorval met ʼn voorwerp gesteek is. Die slagoffer het halfnaak uit die huis gehardloop en in die straat ineengestort.
Netcare911 personeel het die man op die toneel dood verklaar.
