Tongaat-winkelsentrum: Vermiste persoon onder puin opgespoor

Foto: @crisismedDbn op Twitter

Foto: @crisismedDbn op Twitter

Die liggaam van ‘n 51-jarige man is Saterdag onder die puin van die Tongaat-winkelsentrum, wat Dinsdag ineengestort het, opgespoor.

“Ons kan bevestig dat die liggaam van ‘n 51-jarige man opgespoor is. Dit bring nou die dodetal op twee te staan,” het kapt. Thulani Zwane, woordvoerder van die polisie in KwaZulu-Natal, gesê. “Die opruimingswerk duur voort.”

Geen verdere besonderhede is tans beskikbaar nie.

‘n Vrou is dood en 29 mense beseer nadat ‘n gedeelte van die winkelsentrum, wat nog in aanbou is, Dinsdag ineengestort het.

Die polisie het Donderdag bevestig dat een mens nog vermis word. Die polisie kan egter nie die moontlikheid uitsluit dat nog mense onder die puin vasgekeer is nie.

Lees ook:
Tongaat-winkelsentrum moontlik gesloop
Nog een vermis ná winkelsentrum ineenstort
Glo geen goedgekeurde bouplanne vir Tongaat-winkelsentrum
Ondersoek ná winkelsentrum ineenstort
Minstens een dood, talle beseer na winkelsentrum ineenstort
Foto’s: 50 werkers moontlik in winkelsentrum vasgekeer

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.