Argieffoto
Lt.gen. Layton Mzondeki (Sean) Tshabalala, ʼn senior beampte in die polisie, se liggaam is Dinsdagoggend deur sy kollegas in sy kantoor by die SAPD-hoofkantoor in Pretoria opgespoor.
EWN berig die oorsaak van sy dood is nog nie bekend nie. Die polisie het in ʼn verklaring gesê hy is Maandagaand oorlede.
Solomon Makgale, woordvoerder van die polisie, het aan EWN gesê Makgale is laas Maandagmiddag by sy kantoor gesien. “Ons ondersoek die omstandighede rondom sy dood,” het Makgale gesê.
Tshabalala was die afdelingskommissaris van die polisie-inspektoraat en voormalige hoof van die polisie se BBP-eenheid. Hy is in die ouderdom van 47 oorlede.
“Hy sal onthou word vir sy waardevolle bydrae tot doeltreffende dienslewering in die Suid-Afrikaanse Polisiediens (SAPD) die afgelope 19 jaar,” het Riah Phiyega, die nasionale polisiekommissaris, gesê.
Die waarheid asseblief.
Peter. Ek stem saam. Miskien nog n “hit” wie sal weet